Tumhari raah mein mitti ke ghar nahin aate,
iss liye toh tumhe hum nazar nahin aate.
Mohabbaton ke dino ki yehi kharaabi hai,
ye rooth jaayen toh laut kar nahin aate.
Jinhe saleeqa hai tehzeeb-e ghum samajhne ka,
unhi ke rone mein aansoo nazar nahin aate.
Khushi ki aankh mein aansoo ki bhi jagah rakhna,
bure zamaane kabhi poochh kar nahin aate. !!
No comments:
Post a Comment
Thanks for contact me.