Ab Aur Kya Kisi Se Marasim Badhaayen Hum

Ab aur kya kisi se marasim badhaayen hum,

ye bhi bahut hai tujh ko agar bhool jaaye hum.

Sehra-e zindagi mein koi dusra na tha,

sunte rahe hain aap hi apni sadaayen hum.

Iss zindagi mein itni faraaght kise naseeb,

itna na yaad aa ki tujhe bhool jaayen hum.

Tu itni dil-zada toh na thi aye shab-e firaaq,

aa tere raaste mein sitaare lutaayen hum.

Woh log ab kahan hain jo kehte the kal ‘faraz

haye haye khuda-na-karda tujhe rulaayen hum